नवनीत शुक्ला
मुंगेली। एक ओर जिहाँ पूर्व मुख्यमंत्री डॉ रमन सिंह के कहे 65 प्लस की बात ल कांग्रेस ह पूरी शिद्दत ले एकजुट हो के अमलीजामा पहिनाइस अउ 15 बरिस ले सत्ता म काबिज भारतीय जनता पार्टी के सरकार ल बाहिर के रस्ता दिखात हुए सत्ता हासिल करिस हे। लेकिन आज घलो कांग्रेस म गुटबाजी व्याप्त हवय। जेखर पता मुंगेली जिला कांग्रेस कमेटी के बइठक म दिखत हे। ए गुटबाजी के चलत बिलासपुर लोकसभा क्षेत्र बर कांग्रेस पार्टी ल काफी पसीना बहाए बर पड़ही।
मुंगेली जिला कांग्रेस कमेटी में व्याप्त गुटबाजी खुलके आघू आवत हे। कांग्रेसी मन के आपसी लड़ाई के चलत विधानसभा चुनाव म हार के समानाकरे बर पड़िस हे। जबके विधानसभा चुनाव म चउकाने वाले नतीजा ह प्रदेस के राजनीति म एक सुनामी ला दीस हे। बीते दिन म मुंगेली जिला प्रभारी ह कांग्रेस के कुछु दिग्गज लोगन ल पार्टी ले निष्कासन के बात कर के गुटबाजी ल हवा दे म कोनो कसर नइ छोड़िस हे। एखर ले जिला के कांग्रेसी नेता मन के बीच के आपसी मनमुटाव ह जगजाहिर होगे। ए विधानसभा चुनाव म हार क बड़े कारन नजर आइस हे।
दरअसल कुछु दिन पूर्व म मुंगेली विधानसभा प्रभारी अर्जुन तिवारी के समीक्षा बइठक म ए नजारा देखे बर मिलिस। जेमा पार्टी ले विधानसभा प्रत्यासी ह जिला के कुछु दिग्गज मन उपर आरोप लगाइस अउ पार्टी ले निकाले के बात कहिस। उहें ए बइठक म जे दिग्गज मन ल
निकाले के बात कहे गिस ओ मा ए मन सामल नइ नहिन हे। अगर इहीं तरह के माहउल लोकसभा चुनाव म नजर आही त ए तय हे के, लोकसभा चुनाव कांग्रेस बर कांटा मन ले भरे रस्ता होही।
Other Articles
Next
Previous
January 31, 2019
महासमुंद ….सुमित ग्रुप म आयकर के दबिस, खंगाले जात हे दस्तावेज
