पीएम मोदी के आए ले पहिली सियासत गरम.. मोदी बर कांग्रेस के 21 सवाल, प्रेस कांफ्रेंस लेके कहिन ए बात

प्रेस वार्ता म कांग्रेस संचार प्रमुख सुशील आनंद शुक्ला, महामंत्री चंद्रशेखर शुक्ला, प्रवक्ता धनंजय सिंह ठाकुर, घनश्याम राजू तिवारी रिहिन मौजूद। ए बेरा म पीएम नरेंद्र मोदी ले कांग्रेस ह पूछे हे 21 सवाल। कांग्रेस संचार प्रमुख सुशील आनंद शुक्ला ह कहिन 2014 म वादा करे रिहिन… अच्छा दिन कब आही..। फेर आप मन के कार्यकाल त देश के सबले बदहाल शासनकाल साबित होए हे।

कांग्रेस के प्रमुख सवाल

100 दिन म महंगाई कम करे के वादा फेर अब तक काबर कम नई होए हे..?

जम्मो के खाता म 15_15 लाख रुपिया कब आही..?

9 बछर म बिदेस ले कतेक काला धन ल वापस लाए हे…?

हर बछर 2 करोड़ रोजगार के गोठ कहे रिहिन फेर 9 बछर म 18 करोड़ रोजगार कहां हे?

उज्जवला गैस हितग्राही मन के सिलेंडर कब भरही?

देश के कर्जा 150 लाख करोड़ रुपिया कईसे हो गे ?

प्रधानमंत्री जी आप मन मणिपुर कब जावत हो? आप मौन काबर हो?

राजभवन म लंबित आरक्षण संशोधन विधेयक म हस्ताक्षर कब होही?

छत्तीसगढ़ के जनता के हक के 55 हजार करोड़ रुपए कब मिलही?