जय जोहार…. (Marwahi by-election) मरवाही उपचुनाव बर नामांकन दाखिल करे के आज आखिरी दिन हे। कांग्रेस प्रत्याशी डॉ केके ध्रुव ह आज अपन नामांकन दाखिल करही। ओखर नामांकन रैली म मुख्यमंत्री भूपेश बघेल, प्रदेश कांग्रेस अध्यक्ष मोहन मरकाम, कोरबा सांसद ज्योत्सना चरणदास महंत, सात कैबिनेट मंत्री समेत कांग्रेस नेता अऊ कार्यकर्ता मन ह मौजूद रही।
बता दन कि मरवाही उपचुनाव (Marwahi by-election) बर जेसीसीजे ले अमित जोगी अऊ ऋचा जोगी घलो अपन नामांकन दाखिल करही। उहचे भाजपा प्रत्याशी डॉ गंभीर सिंह ह गुरुवार के अपना नामांकन दाखिल करे रिहिन।
गौरेला-पेंड्रा-मरवाही जिला के मरवाही विधानसभा (Marwahi by-election) सीट म होवइया उपचुनाव बर नामांकन के आखिरी तारिख 16 अक्टूबर हे। स्क्रूटनी 17 अक्टूबर के होही अऊ 19 अक्टूबर तक प्रत्याशी ह अपन नाम ल वापस ले सकत हे। ए उपचुनाव बर 3 नवंबर के मतदान होही अऊ 10 नवंबर के नतीजा के घोसना करे जाही।
Marwahi by-election: कांग्रेस प्रत्याशी केके ध्रुव ह आज दाखिल करही नामांकन, पढो पूरा खबर
Congress candidates will file nomination today
No Comment! Be the first one.