रायपुर। छत्तीसगढ़ कांग्रेस के चुनाव अभियान समिति के बइठक म ये साल होवइया विधानसभा चुनाव के मद्देनजर कारयक्रम तय कर ले गेहे। ये कड़ी म 31 जुलाई ले रायपुर म जनसंवाद कारयक्रम के आयोजन करे जाही। 1 अगस्त ले 10 अगस्त तक नगर निगम मन अउ पालिका मन म कारयक्रम आयोजित करे जाही। बइठक प्रारंभ होय म प्रदेस कांग्रेस अध्यक्ष भूपेश बघेल ह रायपुर के पूरव सांसद सरवोदयी नेता केयूरभूषण अउ प्रदेस के पूरव वित्त मंत्री रामचंद्र सिंह देव के निधन म शोक के प्रस्ताव रखिन हे अउ सबो सदस्य मन ह 2 मिनट के मउनधारन कर के दिवंगत नेता मन ल श्रद्धांजलि अरपित करीन।
कांग्रेस भवन म बुधवार के प्रदेस चुनाव अभियान समिति के बइठक होइस। येमा समिति के चेयरमैन डॉ चरणदास महंत समेत अन्य नेता मवजूद रहिन हे। बइठक म तय करे गिस के के विधानसभा स्तर पर कारयकरता संवाद करे गिस। येमा यिवा ले सियान, किसान संगठन अउ व्यापारिक संगठन मन ले भेंट के कारयक्रम रखे जाही। येखर अलावा गरीबन बस्ति मन म जनसंवाद के माध्यम ले लोगन ले रुबरू होंही । 11 अगस्त के हरेली प्रत्येक विधानसभा म मनाय के फइसला लिय गिस हे। 11 अगस्त के ही मिनीमाता पुण्यतिथि ल जिला स्तर म मनाय जाही।
ये बइठक म चुनाव अभियान समिति के अध्यक्ष पूरव केंद्रीय मंत्री डॉक्टर चरणदास महंत, प्रदेश कांग्रेस अध्यक्ष भूपेश बघेल, कांग्रेस विधायक दल के नेता टीएस सिंहदेव , पूरव प्रदेस कांग्रेस अध्यक्ष धनेंद्र साहू, पूरव मंत्री सत्यनारायण शर्मा, पूरव कांग्रेस विधायक दल के नेता रविंद्र चौबे, कांग्रेस के दूनों कारयकारी अध्यक्ष डॉक्टर शिव कुमार डहरिया अउ रामदयाल उइके समेत चुनाव अभियान समिति के सदस्यगन उपस्थित रहिन हे ।
