नवनीत शुक्ला ,मुंगेली। बिधानसभा चुनाइ के बेरा लठियात जात हे । जेखर कारन नेता ह जागना सुरू कर दे हे । आज जिला कांग्रेस कमेटी के बइठक म मुंगेली कांग्रेस कमेटी के अध्यक्छ आत्मा सिंह क्षत्री ह कहिस के 2018 के बिधानसभा चुनाइ पार्टी जनता के बीच म जाके घोसना पत्र तइयार करे बर सुझाव मगही । जेला कांग्रेस के सरकार बनत ही पूरा करे जाहि।
छत्तीसगढ़ के नेता प्रतिपक्ष टी.एस.सिंहदेव 3 अगस्त मुंगेली ज़िला म दउरा ल ले के जिला कांग्रेस कमेटी मुंगेली ह जोर सोर ले तइयारी करत हे । जेला ले के आज ज़िला कांग्रेस मुंगेली ह प्रेस वारता रखे रहिस हे ।
जेमा ज़िला कांग्रेस कमेटी अध्यक्ष आत्मा सिंह क्षत्री ह बताइस के सिंहदेव 3 अगस्त के एकदिवसीय मुंगेली ज़िला के दउरा म रही।दउरा के दउरान लोरमी बिधानसभा क्षेत्र के बैगा आदिवासी/ मजदूर संघ/ मितानिन संगठन/चतुरथ श्रेनी करमचारी संघ/वकील संघ/व्यापारी संगठन समेत आम जनता ले मिलके ओखर समस्या निदान के संबंद्ध म छत्तीसगढ़ कांग्रेस पार्टी अपनी घोसना पत्र तइयार करहि ।
