Congress ह करिन पूर्व सीएम रमन अउ ओखर बेटा अभिषेक के खिलाफ ईओडब्ल्यू म सिकायत

जय जोहार…. कांग्रेस (congress) पार्टी के नेता मन ह आज पूर्व मुख्यमंत्री रमन सिंह अउ ओखर बेटा अभिषेक सिंह के खिलाफ ईओडब्ल्यू म सिकायत करे हे।

कांग्रेस (congress) नेता मन ह आय ले अधिक संपत्ति बनाय, अनियमितता अउ निर्वाचन शपथ पत्र म झूठा जानकारी दे के आरोप लगाय हे।
सिकायत करत हुये कांग्रेस (congress) नेता विनोद तिवारी ह कहिन कि रमन सिंह ह मुख्यमंत्री रहत हुये अकूत संपत्ति ल अवैध तरीका ले एकत्र करिस।

वो हा अपन संपत्ति के जानकारी ल निर्वाचन शपथ पत्र म गलत दे हे। एमा वो हा 56 तोला सोना होय के जानकारी दे रहिस। आज वह 300 तोला सोना पहुंच गे हे।

रमन सिंह के सम्पत्ति म पांच करोड़ रूपिया के इजाफा होय हे। अभिषेक सिंह अउ ओखर पत्नी के घलो संपत्ति ह 5 करोड़ बाढ़ गे हे। जबकि ओखर तरफ ले 14 एकड़ कृषि भूमि ल बताय गे हे अउ दूसर कोनो कार्य नई बताय गे हे।

वर्ष 2008 म वो हा सोना के कीमत ल 43 हजार रूपिया तोला बताय हे, जबकि उस समय 20 ले 22 हजार रूपिया तोला रहिस। सोना के कीमत ल शपथ पत्र म गलत बताय हे। निर्वाचन आयोग म झूठा शपथ पत्र प्रस्तुत करे गे हे।