जय जोहार…. रायपुर (raipur) नगर निगम के जोन अध्यक्ष चुनाव म कांग्रेस ह एकतरफा जीत हासिल करे हे। कांग्रेस ह 10 म ले आठ जोन म जीत गे हे। ऊहचे भाजपा ल सिरिफ 2 जोन म जीत मिले हे।
कांग्रेस के ओर ले जोन- 2 म बंटी होरा, जोन- चार म प्रमोद दुबे, जोन-पांच म मन्नू विजेता यादव, जोन-6 म निशा देवेंद्र यादव, जोन-7 म मनिराम साहू, जोन-8 म घनश्याम छत्री, जोन-9 म प्रमोद मिश्रा अऊ जोन-10 म आकाशदीप शर्मा ह जीत हासिल करे हे। ऊहचे रायपुर (raipur) नगर निगम के जोन-3 म क्रांस वोटिंग सती कांग्रेस प्रत्याशी ल हार के सामना करे ल पड़े हे।
रायपुर (raipur) नगर निगम के जोन तीन म अमितेष भारद्वाज अऊ कमरान अंसारी ह दावेदार रहिस, जेमा ले अमितेष ल कांग्रेस ह अपन प्रत्याशी बनाय रहिस, लेकिन एक सदस्य के क्रास वोटिंग के सती भाजपा के प्रमोद साहू ह चार वोट हासिल कर जीत दर्ज करे म कामयाब रहिन। जोन-1 ले भाजपा के विनोद अग्रवाल ह निर्विरोध जीत गे हे।
