congress: हरदेव सिन्हा के निधन म कांग्रेस ह जतइस दुख, कहिन- रमन सिंह अउ भाजपा नेता ह ए मामला म करत हे स्तरहीन राजनीति
जय जोहार…. हरदेव सिन्हा के निधन म कांग्रेस (congress) ह दुख जतात हुये पूर्व मुख्यमंत्री रमन सिंह के संग आन भाजपा नेता मन म ए मामला म स्तरहीन राजनीति करे के आरोप लगाये हे।
छत्तीसगढ़ प्रदेश कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि रमन सिंह के ही कार्यकाल म हरदेव सिन्हा ह त मुख्यमंत्री कार्यालय म आवेदन करे रिहिस।
जेमा रमन सिंह के समय म कोनो कार्रवाई नई होइस। रमन सिंह ह ए मामला म जेन तरह ले राजनीति करना चाहत हे, वह 15 साल तक राज्य के मुख्यमंत्री रहे नेता ल शोभा नई देवत हे।
छत्तीसगढ़ प्रदेश कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि कोरोना के विषम परिस्थिति म भूपेश बघेल के सरकार ह 35 लाख मजदूर मन ल मनरेगा म काम दिस।
प्रत्येक परिवार ल मुफ्त चावल दे गिस। किसान योजना म 1600 करोड़ रूपिया किसान मन के खाता म दे गे हे।
निश्चित रूप ले आज परिस्थिति ह विषम हे। अइसे म रमन सिंह अउ भाजपा के तरफ ले करे जावत राजनीति ह बेहद दुखद हे।
