जय जोहार रायपुर…. भाजपा के किसान विरोधी चरित्र अऊ किसान मन के हित म करे जात राजनीति म सवाल खड़े करत प्रदेश काग्रेस के महामंत्री अऊ संचार विभाग के अध्यक्ष शैलेष नितिन त्रिवेदी ह कहिन कि मुख्यमंत्री भूपेश बघेल के सरकार किसान मन के प्रति संवेदनशील हे।
धान खरीदी के समय सीमा ह समाप्त होए के बाद टोकनधारी किसान मन के धान ल 2500 रूपिया म खरीदे बर के निर्णय ये बात के पुख्ता प्रमाण हे। पूर्व मुख्यमंत्री रमन सिंह अऊ भाजपा के नेता लगातार किसान मन के नाम ले राजनीति करे के षडयंत्र रचत रहिस। किसान मन के हमदर्द होए के झूठा दम भरत रहिस अऊ लगातार छत्तीसगढ़ हित अऊ किसान हित के खिलाफ काम करत हे।
प्रदेश कांग्रेस महामंत्री ह कहिन कि किसान मन के धान खरीदी बर निर्धारित समय सीमा ह समाप्त होए के बाद मुख्यमंत्री भूपेश बघेल के तरफ ले किसान मन के धान के 2500 रूपिया दाम अऊ टोकन म धान खरीदी के निर्णय ले स्पष्ट हो गिस हे कि मुख्यमंत्री भूपेश बघेल के सरकार ह किसान मन के हित म कृतसंकल्पित हे।
Other Articles
No Comment! Be the first one.