जय जोहार…. (Chhattisgarh) भाजपा ह प्रदेश व्यापी प्रदर्शन म रायपुर शहर जिला के पदाधिकारी अऊ कार्यकर्ता मन ह कमल विहार गेट नंबर 1 म आयोजित धरना म शामिल होय हे। ए मऊका म सांसद सुनील सोनी ह कहिन कि किसान मन के समर्थन म भाजपा ह हमेशा संग रहे हे अऊ संग रही। प्रदेश सरकार के रवैया ले किसान मन म आक्रोश हे। सांसद सोनी ह कहिन कि बोनस के चौथइया किस्त के पता नई। धान खरीदी के नाम म ठगी के आलावा कुछु घलो नई होत हे। पूरा प्रदेश म किसान ह आत्महत्या करे ल विवश हे।
(Chhattisgarh) भाजपा विधायक बृजमोहन अग्रवाल ह कहिन कि 1300 करोड़ रुपया के धान ह खराब हो चुके हे। अपन कोटा के चावल ल जमा करवाय म प्रदेश के सरकार ह असफल हे अऊ असफलता ल छिपाय बर प्रदेश के कांग्रेस सरकार ह पत्र व्यवहार के आलावा कुछु घलो नई करत हे।
भाजपा (Chhattisgarh) प्रदेश प्रवक्ता राजेश मूणत ह कहिन कि राहुल गांधी जब छत्तीसगढ़ आए रिहिन, तब वो हा कहे रिहिन कि एक-एक दाना धान हमर सरकार बनत ही किसान मन के धान ल खरीदही, लेकिन ए सरकार के बनत ही किसान त बारदाना के घलो विवश हे। प्रदेश के मुख्यमंत्री भूपेश बघेल ह अपन विफलता ल छिपाए ल असंसदीय व्यवहार अऊ अनुचित भाषा के इस्तेमाल करत हे।
