Corona : कांग्रेस नेता ल होइस कोरोना, एम्स म कराय गे हे भर्ती

जय जोहार…. छत्तीसगढ़ युवक कांग्रेस के नेता सुबोध हरितवाल ह कोरोना (corona) पाजिटिव पाय गे हे। एखर जानकारी ल वो हा ट्वीट कर दे हे।

एखर पहिले ओखर पत्नी अउ पिता घलो कोरोना पाजिटिव मिले रिहिस। जेखर बाद मे हा अपन कोविड-19 जांच करवाय रहेव।

वो हा ट्वीट कर बताइस कि 10-12 दिन ले मोर कोनो ले मुलाकात नई होय हे। कोरोना (corona) पाजिटिव आय के बाद मोला एम्स म भर्ती कराय गे हे।

गौरतलब हे कि प्रदेश म कोरोना (corona) संक्रमित मरीज मन के संख्या ह बाढ़ के 7980 पहुंच गे हे। जेमा ले एक्टिव मरीज मन के संख्या 2763 हो गे हे।

उहचे 5172 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म 45 लोगन मन के मौत हो गे हे।