कोरोना प्रभावित बर कांग्रेस नेता विनोद तिवारी ह करिन दान, मुख्यमंत्री राहत कोष म दिस एक लाख 11 हजार 111 रूपिया

जय जोहार रायपुर…कोरोना वायरस के वजह ले देश म लगे लॉकडाउन के चलत रोज कमइया-खवइया वाला मन बर परेशानी उठ खड़े होए हे। अइसे लोग मन के मदद बर कांग्रेस नेता विनोद तिवारी ह मुख्यमंत्री राहत कोष म एक लाख 11 हजार 111 रूपिया दान करे हे।

प्रदेश कांग्रेस महासचिव विनोद तिवारी ह मुख्यमंत्री भूपेश बघेल ल लिखे चिट्‌ठी म अन्य प्रदेश के तुलना म छत्तीसगढ़ के ज्यादा सुरक्षित रहे के पीछे ओखर कुशल नेतृत्व अऊ सही समय म लिए गिस फैसला ल जिम्मेदार बताए हे। अइसे विपरीत समय म आम लोग मन के स्वास्थ्य अऊ अन्य जरूरी संसाधन के आपूर्ति बर एक लाख 11 हजार 111 रूपिया दे के जानकारी दिस।