महिला उत्पीड़न अउ ठगी के आरोपी प्रकाश बजाज ला बचाए बर मामला ला राजनीतक रंग देवत हे भाजपा, कांग्रेस महामंत्री शैलेश नितिन त्रिवेदी के आरोप
रायपुर. प्रकाश बजाज द्वारा महिला ले ठगी के मामला म प्रदेश कांग्रेस के महामंत्री अउ संचार विभाग के अध्यक्ष शैलेश नितिन त्रिवेदी हा केहें हें कि प्रकाश बजाज के ऊपर एक महिला हा ठगी के आरोप लगाए हे अउ केहे हे कि ओकर खून पसीना के जोड़े पूंजी ला प्रकाश बजाज हा ले तो डरे हे, मांगे ले वापिस नई करत हे।
पीड़िता हा अपन शिकायत पुख्ता सबूत मन के साथ पुलिस म जमा करे हे। उही समय ले आरोपी प्रकाश बजाज फरार हे। प्रकाश बजाज नामक आरोपी ला बचाए बर ये घटना ला भाजपा हा राजनीतिक रंग देना चाहत हे। जबकि ये हा विशुद्ध रूप ले महिला उत्पीड़न अउ ठगी के मामला हे।
प्रदेश कांग्रेस के महामंत्री अउ संचार विभाग के अध्यक्ष शैलेश नितिन त्रिवेदी हा केहें हें कि भारतीय जनता पार्टी हा उही लोगन वो के साथ खड़े हे जेमन अबला ला ठगे हें, बजाय महिला ला ठगने वाला के ऊपर कार्यवाही करे के। एकर से भारतीय जनता पार्टी के महिला विरोधी चेहरा सामने आ चुके हे।
प्रदेश कांग्रेस के महामंत्री एवं संचार विभाग के अध्यक्ष शैलेश नितिन त्रिवेदी हा केहें हें कि एक महिला ला मदद करे के बजाय भारतीय जनता पार्टी के द्वारा एक आपराधिक मामला म महिला ला ठगने वाला ला बचाए बर एड़ी चोटी लगाना बहुत दुखद हे।
प्रकाश बजाज हा नेता प्रतिपक्ष धरमलाल कौशिक के करीब माने जाथे। पुलिस म प्रकरण दर्ज होए के बाद ले आरोपी हा लगातार भागे-भागे फिरत हे। भारतीय जनता पार्टी हा पीड़ित महिला ला न्याय दिलाए के जगा प्रकाश बजाज के पक्ष म खड़े दखत हे अउ एला राजनीतिक रंग दे म आमादा हे।
प्रदेश कांग्रेस के महामंत्री अउ संचार विभाग के अध्यक्ष शैलेश नितिन त्रिवेदी हा केहें हें कि एकर पुरजोर विरोध करे जाही अउ पीड़िता महिला के हित के रक्षा बर हर संभव प्रयास करे जाही।
उहें ये मामला म बीजेपी प्रवक्ता सच्चिदानंद उपासने हा केहें हें कि प्रशासन के अक्षमता हे, भारतीय जनता पार्टी के एमा संरक्षण देने वाला कोनो बात नई हे। पुलिस आपके हे, सरकार आपके हे, भारतीय जनता पार्टी का करही।
