जय जोहार रायपुर…. छत्तीसगढ़ ल कोरोना मुक्त करे बर प्रदेश के हर वर्ग ह सरकार के संग खड़े हे। कांग्रेस नेता घलो संगठन के संगेसंग व्यक्तिगत स्तर म मुख्यमंत्री सहायता कोष म दान कर ए लड़ाई म अपन महती भूमिका निभात हे।
ए कड़ी म कांग्रेस संचार समिति के सदस्य विकास दुबे ह अपन जन्मदिन म कोरोना ले लड़े बर मुख्यमंत्री सहायता कोष म दो लाख 11 हजार रूपिया के योगदान करे हे। मुख्यमंत्री भूपेश बघेल ह ट्वीट कर के विकास दुबे ल जन्मदिन के शुभकामना देत हुए ए योगदान म आभार व्यक्त करे हे।
इही तरह ले जुर्ग जिला पंचायत के पूर्व सभापति अऊ कृषक नेता राकेश ठाकुर ह कोरोना के खिलाफ जंग म सवा लाख रूपिया मुख्यमंत्री सहायता कोष म प्रदान करे हे। सीएम बघेल ह ट्वीट कर के ए योगदान बर राकेश ठाकुर के प्रति आभार व्यक्त करे हे।
No Comment! Be the first one.