‘बीजेपी प्रत्याशी मन के ऐलान होए के बाद कांग्रेस कर ही सूची जारी ’

कांग्रेस के प्रदेस अध्यक्ष  भूपेश बघेल ह  एक सवाल के उत्तर म कहिन

रायपुर : लोकसभा चुनाव के तारीख मन के ऐलान हो गे हे. लेकिन प्रदेस म बीजेपी अउ कांग्रेस दूनों ही पार्टी मन अपन प्रत्याशिी मन के ऐलान नइ करे हे. प्रत्याशी मन क ऐलान ल ले के करेगे सवाल के जवाब म मुख्यमंत्री भूपेश बघेल ह कहिन के, हमन ह बीजेपी के ऐलान के इंतजार करत हवय.

कांग्रेस के प्रदेस अध्यक्ष अउ मुख्यमंत्री भूपेश बघेल ले पूछा गिस के , उंखर पार्टी लोकसभा चुनाव बर प्रत्याशी मन के नाम के ऐलान कब तक करही. त उमन कहिन के, ‘हमन बीजेपी प्रत्याशी मन के नाम के ऐलान के इंतजार करत हन.’

संग ही उमन कहिन, ‘हमार इहां उम्मीदवार सामने हवय के कउन चुनाव लड़ना चाहत हे, लेकिन भाजपा म ए पता नइए के, लोकसभा म कउन चुनाव लड़ना चाहत हे.’