Raipur म महंगाई के विरोध म कांग्रेस ह करीन पैदल मार्च, प्रधानमंत्री के नाव कलेक्टर ल सौंपे हे ज्ञापन
जय जोहार…. (Raipur) एआईसीसी के छत्तीसगढ़ प्रभारी सचिव डॉ. चंदन यादव, प्रदेश कांग्रेस अध्यक्ष मोहन मरकाम अउ वरिष्ठ कांग्रेस नेता मन के के नेतृत्व म कार्यकर्ता मन ह रईपुर म पैदल मार्च कर के महंगाई अउ ईधन के भाव म करे गे वृद्धि के खिलाफ विरोध प्रदर्शन करीन अउ महंगाई म लगाम लगाय अउ पेट्रोल-डीजल के दाम कम करे के मांग ल लेके प्रधानमंत्री के नाव संबोधित ज्ञापन कलेक्टर ल सौंपे हे।
(Raipur) ज्ञापन म केहे गे हे कि देस म पेट्रोल अउ डीजल के भाव म बढ़ोत्तरी के संगेसंग आवश्यक वस्तु के आसमान छुवत कीमत ले आज हरेक वर्ग ह प्रभावित हे । पिछले कुछु महीना म सरकार डहार ले करीबन 67 घांव इंधन के कीमत म बढ़ोत्तरी करे गे हे ।
देस के सबो सहर म पेट्रोल अउ डीजल के दाम 100 रुपिया प्रति लीटर ले पार कर गे हे। (Raipur) अइसने खाद्य तेल, दाल समेत आन घरेलू दैनिक उपयोगी सामान के भाव म में बेतहासा वृद्धि देखे जावत हे।
