कांग्रेस विधायक शैलेश पांडेय ह उठाइस कोरोना वायरस के मामला, मंत्री ह कहिन- स्वास्थ्य विभाग ह कर रखे हे तैयारी

जय जोहार रायपुर…. शुक्रवार के सदन म घलो कोरोना वायरस के मामला उठिस। ये मामला ल ध्यानाकर्षण म उठात हुए कांग्रेस विधायक शैलेष पांडेय ह कहिन कि चीन ले आयातित होली के बखत पिचकारी अऊ अन्य सामान मन ले वायरस फैलने के संभावना हे। कोरोना वायरस ले दुनिया म 3100 लोग मन के मौत हो चुके हे। रायपुर म घलो चार संदिग्ध मरीज मिले हे।

जवाब म मंत्री टीएस सिंहदेव ह कहिन कि 60 साल ले ज्यादा उम्र के लोग मन म सक्रमण सबले ज्यादा हो सकत हे। गर्भवती महिला मन अऊ बच्चा मन ल खतरा हो सकत हे। प्रभावित लोग मन के मृत्यु के प्रतिशत केवल 2.3 हे। मंत्री ह कहिन कि छत्तीसगढ़ सरकार ह कोरोना वायरस के लक्षण के पहचान बर प्रोटोकाल तय कर ले हे। रायपुर एयरपोर्ट, रेलवे स्टेशन म एडवाइजरी बोर्ड लगाए गे हे। हास्पिटल म आइसोलेशन के व्यवस्था करे गे हे।