पेट्रोल अउ डीजल के कीमत ल ले के कांग्रेस ह करिन प्रदर्शन, बाइक ल अर्थी म लिटा के निकालिस शवयात्रा

जय जोहार…. देश म बाढ़ते पेट्रोल अउ डीजल के कीमत ल ले के यूथ कांग्रेस ह आज अम्बिकापुर के घड़ी चौक म प्रदर्शन करे हे।

ए दौरान कांग्रेस कार्यकर्ता मन ह बाइक ल अर्थी म लिटा के शवयात्रा निकाले हे। केन्द्र सरकार के तरफ ल बढ़ाय जावत डीजल अउ पेट्रोल के दाम के विरोध म विरोध प्रदर्शन करे गिस।

यूथ कांग्रेस ह कहिन कि तेल के बाढ़ते कीमत ले ट्रांसपोर्टिंग अउ समान की खरीदी म वृद्धि होवत हे। जेखर ले आम लोगन मन ल परेशानी होवत हे। एखर सती यूथ कांग्रेस ह तेल के कीमत ल घटाय जाय के मांग केन्द्र सरकार ले करे हे। जेखर ले आम जनता ल राहत मिल सके।
बता देन कि कोरोना संकट के बीच पेट्रोल अउ डीजल के बाढ़ते कीमत ल ले के प्रदेश स्तर म कांग्रेस ह विरोध प्रदर्शन करत हे। सरलघा बाढ़त दाम ले कांग्रेस पार्टी म रोष हे।

विरोध प्रदर्शन के दौरान कांग्रेस ह प्रधानमंत्री नरेंद्र मोदी के पुतला दहन घलो करे हे। संगेसंग बैलगाड़ी, साइकिल म रैली निकाल के कांग्रेस कार्यकर्ता मन ह विरोध प्रदर्शन ल करत हे।