बीजेपी के नागरिकता बिल रैली विफल , नई पहुँचीन पार्टी के बड़े नेता , भीड़ म आम आदमी कम अऊ कार्यकर्ता जादा

जय जोहार रायपुर… नागरिकता कानून म भाजपा के कार्यक्रम ल विफल करार देत हुए प्रदेश कांग्रेस के महामंत्री अऊ संचार विभाग के अध्यक्ष शैलेश नितिन त्रिवेदी ह किहिस कि भाजपा सरकार के काला नागरिकता कानून ल छत्तीसगढ़ ह एकदम नकार दे हे , सीएए ल लेके भाजपा के अंदर घलो छत्तीसगढ़ म बहुत ज्यादा मतभेद के स्थिति बन गे हे,

नागरिकता कानून के कार्यक्रम म भाजपा के राष्ट्रीय नेता, प्रदेश भाजपा अध्यक्ष विक्रम उसेंडी अऊ भाजपा विधायक दल के नेता धरमलाल कौशिक बस पहुँचीन, भारतीय जनता पार्टी के अनेक नेता ये कानून ले सहमत नई हे अऊ सीएए के समर्थन म आयोजित कार्यक्रम म अनुपस्थित रहिके भाजपा के अनेक नेता मन अपन असहमति दर्ज कराय हे, काला नागरिकता कानून ल समर्थन दे म छत्तीसगढ़ म भाजपा के नेता, कार्यकर्ता अऊ मतदाता मन इंकार कर दिस,

भाजपा अपन ही कार्यकर्ता मन ल अपमानित करत हे, चुनाव दर चुनाव हारत हे, अऊ हार के जिम्मेदारी भाजपा कार्यकर्ता के सिर म ठोकत जात हे, सीएए नागरिकता काला कानून धर्म के आधार म देश के आधार म , क्षेत्र के आधार म भेदभाव  करे वाला कानून हे, बाबा साहेब अंबेडकर के बनाये भारत संविधान म स्पष्ट लिखे हे कि धर्म के आधार म किसी के साथ कोई भेदभाव नई करे जाय,

दरअसल भारतीय जनता पार्टी अऊ संघ के लोगन मन आजादी के लड़ाई के दिन से हिंदू अऊ मुसलमान के बीच म फूट डालो राज करो के नीति म सहयोग करत आत हे अऊ उही नीति म आरएसएस अऊ   भाजपा अभी तक अमल करत हे, भाजपा तो एनआरसी बर नोटबंदी जईसे पूरा देश ल लाइन म खड़ा करवाना चाहत हे.