जय जोहार…. छत्तीसगढ़ सरकार ह ग्रामीण अस्पताल बर राशि जारी करे हे। जेखर कांग्रेस ह स्वागत करे हे। ए दौरान कांग्रेस संचार विभाग के प्रमुख शैलेश नितिन त्रिवेदी ह कहिन कि कांग्रेस सरकार ह ग्रामीण क्षेत्र के अस्पताल के व्यवस्था अऊ स्वास्थ्य सुविधा ल बेहतर बनावत हे। छत्तीसगढ़ सरकार के तरफ ले राशि जारी करे जाय म भाजपा के आपत्ति ह समझ ले परे हे।
वो हा कहिन कि यदि छत्तीसगढ़ के सुदूर ग्रामीण इलाका म स्वास्थ्य सविधा अऊ व्यवस्था बेहतर होवत हे, एमा भाजपा ल आपत्ति काबर हे। 15 साल तक भाजपा शासनकाल म अस्पताल के जेन दुर्दशा रहिस, वो हा कोनो ले छिपी नई हे। भाजपा ह यदि अपन शासनकाल म व्यवस्था ल ठीक ले करे होतिस, त शायद ए राशि आज जारी करे के जरूरत नई पड़तिस।
कांग्रेस संचार विभाग के प्रमुख शैलेश नितिन त्रिवेदी ह पूछे हे कि गांव वाले के हित म कोनो घलो काम होवत हे, त भाजपा ह आपत्ति काबर करत हे। कांग्रेस सरकार ह गांव के अस्पताल बर 14.60 करोड़ के राशि जारी करे हे। ए राशि ले अस्पताल म व्यवस्था अऊ स्वास्थ्य सुविधा ल अऊ बेहतर बनाय जाही।
