Congress: चंदूलाल चंद्राकर मेडिकल कालेज ल अधिग्रहित करे जाय के निर्णय के कांग्रेस ह करिन स्वागत

जय जोहार…. (Congress) छत्तीसगढ़ सरकार के तरफ ले चंदूलाल चंद्राकर मेडिकल कालेज ल अधिग्रहित करे के निर्णय के कांग्रेस ह स्वागत करे हे। प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि चंदूलाल चंद्राकर के नाव म जेन मेडिकल कालेज ह चलत रिहिन, छात्र मन के भविष्य ल लेके अऊ छत्तीसगढ़ ले चंदूलाल चंद्राकर के जुड़ाव ल देखत हुये (Congress) सीएम भूपेश बघेल ह ए मेडिकल कालेज ल शासन के तरफ ले अधिग्रहित करे जाय के निर्णय ले गे हे। ए निर्णय के पूरा प्रदेश म स्वागत होवत हे।

एखर संगेसंग बस्तर म नगरनार स्टील प्लांट के बारे म घलो छत्तीसगढ़ सरकार ह कहिन कि यदि केंद्र सरकार ह ए प्लांट ल एनएमडीसी के तरफ ले बेचे जाय के निर्णय लेवत हे, त ए प्लांट ल लेने अऊ चलाय बर (Congress) छत्तीसगढ़ सरकार ह तैयार हे। ये छत्तीसगढ़ सरकार के सोच हे।