जय जोहार रायपुर… राज्य म अवैध शराब के बिक्री ऊपर चिंता व्यक्त करत हुए पूर्व विधायक श्रीचंद सुन्दरानी ह किहिस कि दूसर राज्य के अवैध शराब खपाय के अड्डा बन गे हे छत्तीसगढ़ , ओमन ह किहिस कि बस्तर ले ले के अम्बिकापुर तक ढाबा अऊ होटल मन म दूसर राज्य के शराब बिकत हे अऊ आबकारी विभाग ह मात्र खाना पूर्ती करके छोटे कोचिया मन ऊपर कार्यवाही करत हे ,
राज्य सरकार ह सत्ता म आय के पहिली सब्बो वादा निभाय बर पवित्र गंगाजल के कसम खाय रिहिस वो कसम के काय होईस, पूर्व विधायाक सुन्दरानी ह आरोप लगाइस कि प्रदेश म शराब के कमाई ले गौठान के विस्तार म चिंता व्यक्त करिस अऊ किहिस कि सरकार के निति समझ ले परे हे ,
राज्य म युवा शराब के चपेट म हे अऊ मंत्री मन ल चिंता नई हे अइसने चलही त प्रदेश के विनाश निश्चित हे लेकिन बीजेपी ह सरकार ऊपर दबाव बनाही कि शराब बंदी करे नई त एखर अवैध बिक्री म लगाम लगाय.
Other Articles
