जय जोहार…. अखिल भारतीय कांग्रेस कमेटी के प्रदेश (Chhattisgarh) प्रभारी पीएल पुनिया काली दू दिन के छत्तीसगढ़ दौरा म आवत हे। प्रदेश प्रभारी पुनिया ह नईदिल्ली ले इंडिगो के विमान ले शाम 4.50 बजे रायपुर पहुंचही। एखर बाद शाम 7 बजे प्रदेश चुनाव समिति के बइठक म भाग लेही।
प्रदेश (Chhattisgarh) प्रभारी पुनिया ह 10 अक्टूबर के प्रदेश स्तरीय किसान सम्मेलन में भाग लेही। एखर बाद शाम सात बजे रायपुर ले नईदिल्ली बर विस्तारा विमान ले रवाना होही। 10 अक्टूबर के प्रदेश कांग्रेस के वर्चुअल किसान सम्मलेन ह 307 ब्लाक अऊ जिला कांग्रेस मुख्यालय मन म आयोजित होही।
केंद्र सरकार के तरफ ले पारित करे गे तीन किसान विरोधी काला कानून के खिलाफ कांग्रेस के आंदोलन के अंतर्गत 10 अक्टूबर के दोपहर 12 बजे छत्तीसगढ़ (Chhattisgarh) स्तरीय वर्चुअल किसान सम्मेलन में प्रदेश कांग्रेस कार्यालय राजीव भवन ले प्रदेश प्रभारी पीएल पुनिया, मुख्यमंत्री भूपेश बघेल, प्रदेश कांग्रेस अध्यक्ष मोहन मरकाम अऊ प्रदेश के वरिष्ठ नेता मन ह उपस्थित रही।
