जय जोहार रायपुर…. कोरोना महामारी के मामला म भाजपा के वरिष्ठ नेता मन के तरफ ले सरलघा करे जावत बयानबाजी अऊ स्तरहीन राजनीति म कड़ी आपत्ति दर्ज करत हुए प्रदेश कांग्रेस अध्यक्ष मोहन मरकाम ह कहिन कि कोरोना मामला म सारा मतभेद ल भुला के राष्ट्रीय स्तर म कांग्रेस सकारात्मक विपक्ष के भूमिका निभात हे। कोरोना महामारी के खिलाफ लड़ाई म कांग्रेस स्वयं हर कदम म देश के सरकार के संग खड़ी रही हे। एखर ठीक विपरीत छत्तीसगढ़ म चाहे सहायता राशि दे के मामला हो या कोरोना टेस्टिंग किट या पीपीई किट के सवाल या कोरोना लैब के स्वीकृति हो, सरलघा भाजपा नेता मन ह कोरोना मामला म नकारात्मक राजनीति करत हुए गैरजिम्मेदाराना बात करे हे। केंद्र सरकार के तरफ ल 2500 रूपिया प्रति क्विंटल दाम दे के मामला के तरह कोरोना मामला म घलो भाजपा नेता सरलघा छत्तीसगढ़ के हित के खिलाफ काम करत हे।
प्रदेश कांग्रेस अध्यक्ष मोहन मरकाम ह कहिन कि छत्तीसगढ़ के लोग मन ह बड़े संख्या म कमाने-खाने बर जम्मू कश्मीर ले लेके देश के दक्षिणी राज्य मन तक गए हुए हे अऊ ऊहां फंस गे हे। छत्तीसगढ़ के ये मजदूर प्रदेश म खाने, रहने अऊ चिकित्सा सुविधा मन के संकट के सामना करत हे। इहीं तरह ले देश के अन्य प्रांत मन के रहवइया अनेक गरीब मजदूर ह छत्तीसगढ़ म आ के कठिनाई के सामना करत हे। छत्तीसगढ़ के कांग्रेस सरकार ह अईसे सबो मजदूर अऊ जरूरतमंद लोग मन ल मदद पहुंचाए बर मुख्यमंत्री राहत कोष के दरवाजा ल खोल दे हे। एक लाख 62 हजार 649 मजदूर मन ल छत्तीसगढ़ मुख्यमंत्री राहत कोष ल मदद पहुंचाए गे हे।
No Comment! Be the first one.