chhattisgarh : गौरेला अऊ पेंड्रा ल नगरपालिका बनाए जाए के कांग्रेस विधि विभाग ह करिन स्वागत, सीएम अऊ पीसीसी अध्यक्ष के जताईस आभार

जय जोहार…. (chhattisgarh) सीएम भूपेश बघेल ह ट्वीट कर प्रदेश के नवगठित जिला गौरेला-पेंड्रा-मरवाही के नगर पंचायत गौरेला एवं पेंड्रा ल नगर पालिका बनाए जाए के ऐलान करे हे।

सीएम बघेल के ए ऐलान के बाद कांग्रेसी मन ह खुशी जाहिर करे हे। कांग्रेस विधि विभाग ह गौरेला अऊ पेंड्रा ल नगर पालिका बनाए जाए म मुख्यमंत्री बघेल अऊ पीसीसी अध्यक्ष मोहन मरकाम समेत वरिष्ठ कांग्रेस नेता मन के आभार जताईस।

सीएम बघेल ह आज बिहनिया अपन ट्विटर अकाउन्ट म प्रदेश के नवा जिला गौरेला-पेंड्रा-मरवाही म दू नवा नगर पालिका गठन के ऐलान करे हे। अप ट्विटर म सीएम बघेल ह लिखे हे कि प्रदेश (chhattisgarh) के नवगठित जिला गौरेला-पेंड्रा-मरवाही म नवा नगर पालिका बनही। नगर पंचायत गौरेला अऊ नगर पंचायत पेंड्रा ल नगर पालिका के दर्जा दे के घोसना करत हों।

ए घोसना म विधि विभाग के प्रदेश (chhattisgarh) अध्यक्ष संदीप दुबे ,जिला शहर पेण्ड्रा के अध्यक्ष विधि विभाग जमील इराकी, जिला ग्रमीण अध्यक्ष महेंद्र शुक्ल अऊ ब्लॉक पदाधिकारी मन ह खुशी व्यक्त करत हुए मुख्यमंत्री भूपेश बघेल, प्रदेश कांग्रेस के अध्यक्ष मोहन मरकाम, उपाध्यक्ष गिरीश देवांगन, अटल श्रीवास्तव अऊ मनोज गुप्ता जिला अध्यक्ष कांग्रेस के आभार जताए हे।