congress: किसान विरोधी तीन काला कानून के खिलाफ काली होही कांग्रेस के किसान सम्मेलन : धनंजय
जय जोहार…. कांग्रेस (congress) के 36 जिला संगठन अऊ 307 ब्लाक संगठन मुख्यालय म एक संग काली सनिच्चर के मोदी सरकार के किसान विरोधी तीन काला कानून के खिलाफ कांग्रेस के किसान सम्मेलन होही।
काली दोपहर 12 बजे राजीव भवन कांग्रेस (Congress) मुख्यालय म एआईसीसी के प्रदेश प्रभारी पीएल पुनिया, मुख्यमंत्री भूपेश बघेल, प्रदेश कांग्रेस अध्यक्ष मोहन मरकाम समेत वरिष्ठ कांग्रेस नेता मन ह किसान सम्मेलन म आनलाइन जुड़ही।
किसान मन ल संबोधित घलो करही। वर्चुअल किसान सम्मेलन बर सबो जिला अऊ ब्लाक मुख्यालय म इंटरनेट के माध्यम ले लैपटाप, मोबाइल, टीवी स्क्रीन ले किसान ह जुड़ही। कांग्रेस (congress) प्रवक्ता धनंजय सिंह ठाकुर ह कहिन कि मोदी भाजपा के सरकार ह सदन म आंकड़ा दिखावत हे। देश के 65 करोड़ अन्नदाता के आवाज ल दबात हे। ओखर मांग ल अनसुना करत हे।
अब तक मोदी सरकार के तरफ ले मनमानी तरका ले लागू करे गे योजना के दुष्टपरिणाम ल देश ह देखे हे। वो हा कहिन कि मनमानी तरीका ले लागू करे गे नोटबंदी अऊ जीएसटी सती देशभर म रोजी-रोजगार के गंभीर संकट उत्पन्न हो गे हे। बेरोजगारी एक विकराल समस्या बन गे हे। अर्थव्यवस्था तबाह हो गे हे। अब मोदी भाजपा के सरकार ह वन नेशन वन मार्केट के नारा लगा के कृषि क्षेत्र ल बर्बाद करे म तुले हे।
