chhattisgarh: सरलग बाढ़त महंगाई के विरोध म काली ले सुरु होही कांग्रेस के राष्ट्रव्यापी आंदोलन, प्रदेस के सबो ब्लाक म चलही हस्ताक्षर अभियान
जय जोहार…. (chhattisgarh) कांग्रेंस के राष्ट्रव्यापी आउटरीच अभियान के तहत प्रदेस म सरलग बाढ़त पेट्रोल-डीजल के भाव अउ महंगाई के खिलाफ काली 6 जुलाई ले राष्ट्रव्यापी आंदोलन सुरु होवइया हे। एखर तहत राज्य, जिला अउ ब्लाक स्तर पर आंदोलन के पहला चरण म काली प्रदेस के सबो 307 ब्लाक म प्रदेश व्यापी हस्ताक्षर अभियान चलाए जाहि।
महंगाई के विरोध म काली होवइया आंदोलन म (chhattisgarh) कांग्रेस के पदाधिकारी अउ कार्यकर्ता मन ह थाली अउ बर्तन पीट-पीट के विरोध दर्ज कराही। ए दउरान मंहगाई अउ पेट्रोल-डीजल के भाव म वृद्धि म रोक लगाय अउ केन्द्रीय उत्पादन सुल्क ल कम करे के मांग ल करही। उहें मंहगाई के विरोध म पाम्पलेट, पोस्टर अउ प्ले-कार्ड के संग स्थानीय स्तर म पेट्रोल पम्प म हस्ताक्षर अभियान चलाही, 14 जुलाई के जिला स्तर म मंहगाई के विरोध म सायकल यात्रा निकालही ।
17 जुलाई के (chhattisgarh) प्रदेस कांग्रेस कमेटी के अध्यक्ष मोहन मरकाम अउ कांग्रेस नेता मन के नेतृत्व म राजधानी रईपुर म पैदल मार्च कर महंगाई अउ ईधन के कीमत म करे गे वृद्धि के खिलाफ विरोध प्रदर्सन करे जाहि। ए अवसर म मंहगाई म लगाम लगाय अउ पेट्रोल-डीजल के दाम कम करे के मांग ल लेके प्रधानमंत्री के नाव संबोधित ज्ञापन जिलाधीश ल सौंपही।
