Chhattisgarh: विद्युत कनेक्शन बर लंबित कृषि पंप ल मिलही कनेक्शन, सीएम ह विधानसभा म करिन घोसना

जय जोहार…. (Chhattisgarh) सीएम भूपेश बघेल ह प्रदेश के किसान मन बर एक अऊ महत्वपूर्ण फइसला ले हे। सीएम ह स्थायी विद्युत कनेक्शन बर लंबित 35 हजार 161 कृषि पंप के उर्जीकरण करने के आज विधानसभा म घोसना करिन।

सीएम बघेल के घोसना के बाद विद्युत कनेक्शन बर लंबित सबो कृषि पंप ल वित्तीय साल 2021-22 म स्थायी विद्युत कनेक्शन देने के प्रक्रिया ल पूरा करे जाही। (Chhattisgarh) ए साल प्रदेश म 10 हजार 504 पंप ल विद्युत कनेक्शन प्रदान करे गे हे।

(Chhattisgarh) प्रदेश म किसान मन के तरफ ले दू फसल ले के सुरुआत करे गे हे। जेखर ले कृषि पंप के विद्युत कनेक्शन के मांग म सरलघा बढोतरी होवत हे। एला देखत हुये सीएम बघेल ह किसान मन के हित म लंबित कृषि पंप के उर्जीकरण कार्य ल प्राथमिकता ले पूरा करने के घोसना करे हे।