अंबिकापुर सीट म सिरिफ एक नाम म सहमति… टीएस सिंहदेव

अम्बिकापुर। छत्तीसगढ़ म ये बछर के आखिरी म विधानसभा चुनाइ होही। येला लेके प्रत्यासी मन के नाम तय करे के कवायद घलो दल मन करत हे। कांग्रेस ह सरगुजा के अंबिकापुर सीट म प्रत्याशी के नाम तय करे बर मंथन करिस। येकर बाद एक नाम म सहमति बन गिस।
मिले जानकारी म अंबिकापुर सीट हर बूथ, सेक्टर, जोन अउ ब्लाक स्तर म सिरिफ एक नाम म सहमति बने हे। वरतमान म छत्तीसगढ़ विधानसभा के नेता प्रतिपक्ष टीएस सिंहदेव ल प्रत्यासी बनाय बर कांग्रेस कमेटी ह सहमति दे दीस हे। अब आला नेता मन ह येमा अंतिम निरनय लिही।
बता दन के अंबिकापुर म होय कांग्रेस कमेटी के बइठक म टीएस सिंहदेव के अलावा कोनो दूसर नाम तय न करे गिस हे। .येकर ले संभावना जताय जात हे के वरतमान विधायक सिंहदेव ह फेर ये सीट म चुनाइ लड़ही।
–