जय जोहार…. जांजगीर-चांपा जिला के पुलिस अधीक्षक कार्यालय म पदस्थ आरक्षक म कोरोना (corona) के पुष्टि होय हे।
आरक्षक के रिपोर्ट ह कोरोना पाजिटिव आय के बाद ए कार्यालय म पदस्थ सबो अधिकारी अउ कर्मचारी मन म दहशत हे।
मिले जानकारी के मुताबिक जेन आरक्षक के रिपोर्ट ह कोरोना (corona) पाजिटिव पाय गे हे।
ओ हा पिछिले एक सप्ताह ले छुट्टी ले के अपन घर म ही रिहिस, लेकिन कारोना संक्रमण के खतरा ल देखते हुये पुलिस अधीक्षक कार्यालय म पदस्थ सबो अधिकारी अउ कर्मचारी मन के स्वास्थ्य विभाग के तरफ ले तुरंत परीक्षण करे जावत हे।
उहचे पूरा कार्यालय ल घलो सैनेटाइज करे जाही। पुलिस अधीक्षक पारुल माथुर ह आरक्षक के रिपोर्ट ह कोरोना (corona) पाजिटिव पाय जाय के पुष्टि करे हे।
No Comment! Be the first one.