रायपुर। ग्रामीण क्षेत्र म किसान मन के आय बढ़ाए, स्थायी आजीविका के साधन ल सुदृढ़ करे बर अउ जल संरक्षण ल बढ़ावा देए के दिशा म छत्तीसगढ़ राज्य म महत्वपूर्ण पहल करे जात हे। जिला म ‘वीबी-जी राम जी’ योजना ले ग्रामीण आजीविका ल बढ़ावा देए बर बड़ा पैमाना म डबरी के निर्माण प्राथमिकता ले होहि। बालोद जिला म ‘वीबी-जी राम जी’ योजना के तहत वर्ष 2025-26 म 300 आजीविका डबरी के निर्माण के लक्ष्य निर्धारित करे गिन हे। ए योजना विभिन्न विभाग के आपसी समन्वय (अभिसरण) ले संचालित करे जात हे, जेखर ले ग्रामीण परिवार मन ल बहुआयामी लाभ प्राप्त होंहि।
आजीविका डबरी निर्माण ले वर्षा जल संचयन अउ भू-जल रिचार्ज म सहायक होहि, संग म खेत बर आवश्यक सिंचाई सुविधा घलो सृजित होहि, एखर ले खरीफ अउ रबी दुनों मौसम के फसल के उत्पादकता म वृद्धि होहि। एखर अतिरिक्त, डबरी के माध्यम ले पशुपालन अउ मत्स्यपालन जइसे गतिविधी ल बढ़ावा मिलहि, जेखर ले किसान मन ल अतिरिक्त आय के अवसर प्राप्त होहि। जिला प्रशासन द्वारा ग्राम पंचायत म प्राथमिकता के आधार म पात्र हितग्राही मन के चयन करके निर्माण कार्य प्रारंभ कराए जात हे। ए पहल ले न केवल कृषि आधारित आजीविका ल मजबूती मिलहि, बल्कि ग्रामीण अर्थव्यवस्था ल घलो स्थायित्व प्राप्त होहि।
आजीविका डबरी ग्रामीण विकास अउ आत्मनिर्भरता के दिशा म एक प्रभावी मॉडल हे। डबरी निर्माण ले बड़का संख्या म ग्रामीण परिवार मन ल रोजगार अउ जल संरक्षण ल प्रोत्साहन मिलहि।
Other Articles
