जय जोहार…. प्रदेश म 3022 करोड़ रूपिया के लागत के 857 कार्य ह जल्द शुरू होही। ए संबंध म लोक निर्माण मंत्री ताम्रध्वज साहू ह आज अपन रायपुर निवास कार्यालय म विभाग के वरिष्ठ अधिकारी मन के बइठक लिस। वो हा मुख्यमंत्री भूपेश बघेल के निर्देशानुसार अलग-अलग स्वीकृत निर्माण कार्य सड़क, भवन, पुल-पुलिया, अंडरब्रिज-ओव्हर ब्रिज, राष्ट्रीय राजमार्ग अऊ नक्सल प्रभावित क्षेत्र म स्वीकृत निविदा प्रक्रिया ल पूर्ण कर जल्द कार्य प्रारंभ करे के निर्देश दिस।
बइठक म मंत्री साहू ह मुख्यमंत्री के तरफ ले विगत 26 अप्रैल के करे गिस विभागी कामकाज के समीक्षा के तहत दिए गे निर्देश के अनुरूप निर्माण कार्य म गुणवत्ता अऊ सो निर्माण कार्य म थर्ड पार्टी निरीक्षण के व्यवस्था सुनिश्चित करे के निर्देश ले अधिकारी मन ल बताइस। वो हा सड़क अऊ पुल के वार्षिक संधारण कार्य बर निर्धारित अवधि ल तीन वर्ष ले बढ़ा के पांच वर्ष कर दे हे।
बइठक म अईसे स्वीकृत कार्य जेखर निविदा ल आमंत्रित करे जाना हे। ओखर संभागवार समीक्षा करे गिस। प्रदेश म लगभग 857 कार्य के स्वीकृति लोक निर्माण विभाग के तरफ ले जारी करे गे हे. ए कार्य के कुल लागत 3022 करोड़ रूपिया हे। एखर बर बड़े पैमाने म अवइया दु महीना म निविदा आमंत्रित करे जाही। बइठक म बताइस कि मार्च 2020 म 839 करोड़ रूपिया के 83 कार्य के प्रशासकीय स्वीकृति दे गे हे।
