जय जोहार। (chhattisgarh) आयोडीन ह मानव शरीर के संतुलित विकास बर अत्यंत आवश्यक सूक्ष्म पोषक तत्व म ले एक हे । पर्याप्त मात्रा म शरीर म आयोडीन नई मिले म कई तरह के रोग होय के संभावना बने रहिथे। बिसेस कर गर्भवती महिला अउ शिशु मन म आयोडीन के कमी ह घातक होत हे । समाज म सही जानकारी के अभाव के सेती आयोडीन अल्पता विकार ह एक ठीन गंभीर स्वास्थ्य समस्या बन जात हे ।
बछर 2020-21 म हुये एनएचएफएस एंड 5 के सर्वे अनुसार राज्य के ग्रामीण क्षेत्र म 99 फीसद अउ सहरी क्षेत्र म 98.3 फीसद अइसने कुल 98.5 फीसद मनखे मन डहार ले राज्य म आयोडीन नमक के उपयोग ल करे जावत हे। (chhattisgarh) राज्य नोडल अधिकारी आयोडीन अल्पता कार्यक्रम डॉक्टर कमलेश जैन ह बताइन कि आयोडीन युक्त नमक अउ खाद्य पदार्थ के सेवन के प्रति मनखे मन म जागरूकता ह जरूरी हे । घर म आयोडीन नमक हमेशा एअर टाईट बंद डब्बा म रखना चाही अउ उपयोग के बाद डब्बा के ढ़क्कन ल बंद करना चाही, जेखर ले नमक म मौजूद आयोडीन हवा म वाष्पीकरण न हो जाये।
(chhattisgarh) वो हा बताइन कि नमक के उपयोग ल खाना बनात बेरा सीधा पहले ले न करे ,खाना बनाय के बाद सब्जी, दाल म नमक के उपयोग ल करना चाही। जेखर ले आयोडीन के उपयोग मानक मात्रा अनुसार शरीर म हो सकही । आयोडीन के कमी के सबले जादा असर गर्भवती महिला अउ शिशु मन ल होत हे ।
