कोविड 19 के इलाज बर चिकित्सा सुविधा के सरलघा विस्तार, तीन हजार नवा मरीज मन के तुरंत सुरू करे जा सकथे इलाज
जय जोहार। प्रदेश म कोविड-19 के बाढ़त मामले ल देखत हुये स्वास्थ्य विभाग के तरफ ले सरलघा चिकित्सा सुविधा के विस्तार करे जावत हे।
पहिले केवल आंचलिक कोविड अस्पताल राजनांदगांव, अम्बिकापुर अऊ रायगढ़ मेडिकल कालेज अस्पताल, बिलासपुर कोविड अस्पताल, रायपुर एम्स, माना अस्पताल अऊ डॉ. भीमराव अंबेडकर स्मृति चिकित्सालय म ही मरीज ल भर्ती करे जावत रिहिस।
कोविड अस्पताल के स्थापना के दूसर चरण म ईएसआईसी अस्पताल कोरबा, शंकराचार्य मेडिकल कालेज अस्पताल दुर्ग, एमसीएच अस्पताल बलौदाबाजार, कोविड केयर अस्पताल कोरिया, एमसीएच अस्पताल सूरजपुर, मिशन अस्पताल धमतरी अऊ सामुदायिक स्वास्थ्य केंद्र बलरामपुर ल क्रियाशील करे जा चुके हे। ए अस्पताल के कुल क्षमता ह 2380 हे।
कोविड अस्पताल के अवइया क्रम म जिला स्तर पर कोविड केयर सेन्टर के तौर म रेलवे अस्पताल बिलासपुर, एनटीपीसी अस्पताल सीपत बिलासपुर, लाइवलीहुड कालेज जशपुर, सृष्टि अस्पताल कोरबा, भोरमदेव कन्या परिसर कवर्धा अऊ गर्ल्स हास्टल मुंगेली ल विकसित कर कोविड-19 के इलाज करे जावत हे। ए अस्पताल के क्षमता ह 630 हे। रायपुर स्थित इनडोर स्टेडियम ल 230 बिस्तर वाले कोविड केयर सेंटर के रूप म विकसित करे जा चुके हे।
