अंग्रेजी माध्यम स्कूल बर होही शिक्षक मन के संविदा नियुक्ति, धमतरी जिला ले जारी होइस विज्ञापन

जय जोहार…. छत्तीसगढ़ म अंग्रेजी माध्यम स्कूल बर 20 जून ले दाखिला ह सुरू हो जाही। राज्य सरकार ह एजुकेशन के ए माडल प्रोजेक्ट बर तैयारी कर ले हे। प्राचार्य मन के नियुक्ति हो गे हे, त ऊहचे कई स्कूल म शिक्षक मन के तैनाती घलो हो गे हे।

ए सबके बीच जेन स्कूल म शिक्षक मन के कमी हे, ऊहां संविदा अऊ प्रतिनियुक्ति के आधार म शिक्षक मन के तैनाती करे जावत हे। ए कड़ी म धमतरी ले शिक्षक मन के संविदा नियुक्ति के विज्ञापन ल जारी करे गे हे।
ए विज्ञापन के माध्यम ले शिक्षक पद बर अहर्ता प्राप्त लोग ह 26 जून के शाम पांच बजे तक अपन आवेदन ल जमा कर सकत हे।

व्याख्याता, शिक्षक, सहायक शिक्षक के आलावा कम्प्युटर शिक्षक अऊ सहायक शिक्षक विज्ञान पद बर आवेदन ल आमंत्रित करे गे हे। व्याख्याता के 11 पद, शिक्षक के 4 पद, सहायक शिक्षक के 4 पद, कम्प्युटर शिक्षक के एक पद अऊ साइंस शिक्षक के 3 पद बर विज्ञापन जारी करे गे हे।