जय जोहार। (Raipur) दीक्षांत ह एक पुलिस अधिकारी बर जिनगी के एक ठन महत्वपूर्ण क्षण होत हे, प्रसिक्षण एक सतत चलइया प्रक्रिया है, ए अकादमी म प्रसिक्षण के दउरान हरेक दिन आपन ह कुछु न कुछु नवा सीखे हे । आपन ह पुलिस विभाग ल सेवा बर चुने हे, ये सराहनीय हे । उक्त बात ल मुख्यमंत्री भूपेश बघेल ह आज नेताजी सुभाष चंद्र बोस राज्य पुलिस अकादमी म प्रसिक्षणरत डीएसपी के बारहवां बैच के दीक्षांत समारोह के दउरान कहीन ।
मुख्यमंत्री श्री बघेल ह प्रसिक्षण लेके अकादमी ले जवइया पुलिस अधिकारी ल सुभकामना दीन अउ विश्वास जताइन कि अपन कर्तव्य के पालन ल निष्ठा अउ ईमानदारी ले करही। मुख्यमंत्री भूपेश बघेल ह आज चंदखुरी स्थित नेताजी सुभाषचंद्र बोस पुलिस एकेडमी म प्रसिक्षु उप पुलिस अधीक्षक के दीक्षांत समारोह म सम्मिलित होइन। सीएम ह चंदखुरी म बारहवां बैच के 25 प्रसिक्षु उप पुलिस अधीक्षक ह पासिंग आउट परेड म हिस्सा लीन । मंगलवार के बिहनिया 9.00 बजे मुख्यमंत्री श्री बघेल ह दीक्षांत समारोह म सामिल होइन अउ परेड के सलामी लीन ।
सलामी के बाद मुख्यमंत्री श्री बघेल ह परेड के निरीक्षण करीन ।दीक्षांत परेड समारोह म गृहमंत्री ताम्रध्वज साहू, नगरीय विकास मंत्री डॉ शिव कुमार डहरिया अउ छत्तीसगढ़ के पुलिस महानिदेशक अशोक जुनेजा के संग पुलिस के सबो वरिष्ठ अधिकारी घलो सम्मिलित होइन । परेड के मार्च पास्ट के बाद निदेशक, पुलिस अकादमी रतन लाल डांगी ह ए अवसर म स्वागत भाषण दीन।
