Corona: छत्तीसगढ़ म पिछिले 24 घंटा म सामने आय हे 607 नवा मरीज, रायपुर म घलो 127 पाजिटिव

जय जोहार…. (corona) छत्तीसगढ़ म बीते 24 घंटा म कोरोना के 607 नवा मामला के पहचान होय हे। उहचे 886 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। जबकि इलाज के दौरान 10 लोगन मन के मौत हो गे हे।

राज्य म कोरोना (corona) के जेन नवा मरीज मिले हे, ओमा रायपुर ले 127, दुर्ग ले 81, बिलासपुर ले 73, जांजगीर-चांपा ले 37, राजनांदगांव ले 36, महासमुंद ले 29, बालोद ले 27, धमतरी ले 23, कोरिया ले 19, सरगुजा अऊ जशपुर ले 17-17, सूरजपुर ले 16, बेमेतरा अऊ रायगढ़ ले 15-15, कोंडागांव अऊ बलौदाबाजार ले 10-10 मरीज शामिल हे।

बता देन कि प्रदेश म कोरोना (corona) संक्रमण के मामला ह 2 लाख 92 हजार 091 हो गे हे। जेमा ले 7418 एक्टिव मामला हे। उहचे 2 लाख 81 हजार 136 लोगन मन ह स्वस्थ होय के बाद अपन घर लहुट चुके हे। ए वायरस ले प्रदेश म अब तक 3537 लोगन मन के मौत हो गे हे।