जय जोहार…. प्रदेश म कोरोना (corona) संक्रमित मरीज मन के संख्या ह सरलघा बाढ़त जावत हे। राज्य म इतवार के देर रात कोरोना के अऊ 147 नवा मरीज मिले हे।
एखर संग रविवार के 704 नवा मरीज क पहचान होय हे। उहचे 537 लोगन मन ल बने होय के बाद अस्पताल ले डिस्चार्ज कर दे गे हे। जबकि सात लोगन मन के कोरोना ले मौत हो गे हे।
इतवार देर रात जेन कोरोना (corona) के नवा मरीज मिले हे, ओमा बीजापुर ले 49, रायपुर ले 25, बलौदाबाजार ले 20, कोरबा ले 19, रायगढ़ ले 11, बेमेतरा ले 8, बालोद ले 5, जांजगीर-चांपा ले 4, कांकेर ले 3, दुर्ग, महासमुंद अऊ गरियाबंद ले 1-1 मरीज शामिल हे। उहचे रायपुर ले 24, दुर्ग ले 8 अऊ धमतरी ले एक मरीज ल स्वस्थ होय के बाद डिस्चार्ज करे गे हे।
एखर पहिले देर शाम आज जेन कोरोना के नवा मरीज मिले हे, ओमा रायपुर ले 215, रायगढ़ ले 64, जांजगीर-चांपा ले 48, राजनांदगांव ले 41, बिलासपुर ले 35, दुर्ग ले 28, बस्तर ले 17, महासमुंद ले 15, कोरिया ले 13, जशपुर अऊ कांकेर ले 10-10, बालोद ले 8, कोरबा अऊ कोंडागांव ले 7-7, बलौदाबाजार, सरगुजा अऊ सूरजपुर ले 6-6, नारायणपुर ले 5, गरियाबंद अऊ सुकमा ले 4-4, मुंगेली अऊ दंतेवाड़ा ले 2-2, धमतरी, गौरेला-पेंड्रा-मरावाही, बीजापुर अऊ आन राज्य ले 1-1 मरीज शामिल हे।
बता देन कि राज्य म कोरोना (corona) संक्रमित मन के कुल संख्या ह बाढ़ के 20918 हो गे हे। जेमा ले 7790 एक्टिव मामला हे। उहचे 12931 लोगन मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 197 लोगन मन के मौत हो गे हे।
