corona के कहर, प्रदेश म सामने आय हे कोरोना के रिकॉर्ड 1145 नवा मरीज, 12 लोगन मन के हो गे मौत

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म आज कोरोना के रिकार्ड 1145 नवा मामला सामने आय हे।

उहचे 308 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 12 लोगन मन के मौत हो गे हे।

आज जेन कोरोना (corona) के नवा मरीज मिले हे, ओमा रायपुर ले 364, रायगढ़ ले 117, बिलासपुर ले 104, राजनांदगांव ले 85, दुर्ग ले 72, दंतेवाड़ा ले 70, बस्तर ले 48, सरगुजा ले 40, कांकेर ले 38, सुकमा ले 28, बीजापुर ले 25, सूरजपुर ले 24, बलौदाबाजार ले 23, धमतरी ले 20, महासमुंद ले 17, नारायणपुर ले 16, कोंडागांव ले 13, कबीरधाम ले 11, गरियाबंद, जांजगीर अऊ आन राज्य ले 5-5, बालोद अऊ कोरबा ले 4-4, जशपुर ले 2, बेमेतरा, मुंगेली, गौरेला-पेण्ड्रा-मरवाही, कोरिया अऊ बलरामपुर ले 1-1 मरीज शामिल हे।
.
बता दन कि प्रदेश में कोरोना (corona) संक्रमित मन के संख्या ह बाढ़ के 23199 हो गे हे। जेमा ले 9249 एक्टिव मामला हे।

उहचे 13732 लोगन मन ह बने होय के बाद अपन घर लहुटे चुके हे। ए वायरस ले 216 लोगन मन के मौत हो गे हे।