Corona : देश म कोरोना के मामले ह चार लाख ले होइस जियादा, पिछले 24 घंटा म सामने आय हे 15413 नवा मामले

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म कोरोना संक्रमित मन के संख्या ह चार लाख ले जियादा हो गे हे। बीते 24 घंटा म कोरोना (corona) के 15413 नवा मामले के पहचान होय हे। जबकि 306 लोगन मन के मौत हो गे हे।
स्वास्थ्य विभाग के आंकड़ा के मुताबिक देश म कोरोना (corona) के कुल मामले ह चार लाख 10 हजार 461 हो गे हे। जबकि एक्टिव मामले ह 1 लाख 69 हजार 451 हे। ऊहचे 2 लाख 27 हजार 755 लोगन मन ह कोरोना ल मात दे दे हे अऊ देश के अलग-अलग अस्पताल ले डिस्चार्ज हो के अपन घर लहुट चुके हे। देश म ए वायरस ले 13254 लोगन मन के जान चले गे हे।