corona: छत्तीसगढ़ म सरलघा बाढ़त हे कोरोना संक्रमित, कांकेर म 15 जवान मन म कोरोना के होइस पुष्टि

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। कांकेर जिला के नक्सल मोर्चा म तैनात 15 जवान मन के कोरोना जांच ह पॉजिटिव आय हे। एखर ले नक्सल मोर्चा म तैनात जवान मन म हड़कंप मच गे हे।
जानकारी के मुताबिक मंगलवार शाम के कांकेर म पहिली तीन कोरोना (corona) संक्रमित मरीज मन के पुष्टि होय रिहिस, जेमा एक बीएसएफ के जवान घलो रिहिस, ए जवान ह छुट्टी ले वापस लहुटे हे। एखर बाद रात 11 बजे के आसपास बीएसएफ के 14 अऊ जवान मन के कोरोना (corona) रिपोर्ट ह पॉजिटिव आय हे। जेमा ले 10 जवान ह कोयलीबेड़ा के बांदे कैम्प म पदस्थ हे। ऊहचे पांच जवान ह अंतागढ़ के कैम्प म पदस्थ हे। ए सब्बो जवान ह हाल म छुट्टी ले लहुटे हे।