corona : देस म बीते 24 घंटा म बाढ़गे कोरोना के 3 लाख 17 हजार नवा मरीज, 491 संक्रमित के होगे मउत

जय जोहार…. देस म कोरोना के नवा मामला सरलग बाढ़त जात है। देस म पिछले 24 घंटा म कोरोना (corona ) के 3 लाख 17 हजार नवा मरीज सामने आय हे। उहें 2 लाख 23 हजार मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 491 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 3 लाख 17 केस मिले हे। एला मिलाके देस म कोरोना मरीज मन के संख्या ह 3 करोड़ 82 लाख 18 हजार 769 ले जादा हो गेहे। जेमा ले 19 लाख 24 हजार ले जादा एक्टिव मामला हे।

उहें 3 करोड़ 57 लाख 97 हजार 214 मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 4 लाख 87 हजार 693 मरीज के मउत हो गेहे।