Corona: देश म बीते 24 घंटा म बाढ़ गे कोरोना के 83 हजार ले जादा नवा मरीज

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म पिछिले 24 घंटा म कोरोना के 83 हजार ले जादा नवा मरीज मिले हे। उहचे 89746 लोगन मन ल बने होये के बाद अस्पताल ले छुट्टी दे दे गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म 83347 नवा मरीज मिले हे। एला मिला के देश म कोरोना (corona) संक्रमण के कुल मामला ह 56 लाख 46 हजार 11 हो गे हे। जेमा ले 9 लाख 68 हजार 377 एक्टिव मामला हे। उहचे 45 लाख 87 हजार 614 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 90020 लोगन मन के मौत हो गे हे।