Raipur म कोरोना के नवा गाइडलाइन होगे जारी, दुकान खुले अउ बन्द होय के बेरा होगे तय, पढ़व पूरा खबर
जय जोहार…. (Raipur) राजधानी रायपुर म कोरोना के नवा गाइडलाइन जारी हो गे हे। राजधानी म शाम 6 बजे तक दुकान ल खोले जा सकही। ए संबंध म कलेक्टर एस भारतीदासन ह दुकान के खुले अउ बंद करे के नवा निर्देश जारी करे हे।
रायपुर (Raipur) म अब बिहनिया 6 बजे ले शाम 6 बजे तक दुकान खुलही। शाम 6 बजे के बाद स्थायी, अस्थायी, शापिंग मॉल, डिपार्टमेंट स्टोर्स, व्यवसायिक प्रतिष्ठान, ठेला अउ गुमटी सबो कुछ बंद हो जाही। उहचे 6 बजे ले रात आठ बजे तक रेस्टोरेंट, होटल, बार, ढाबा म डायनिंग, टेक अवे या होम डिलीवरी के सुविधा होही। ए प्रतिबंध ले पेट्रोल पंप अउ मेडिकल स्टोर्स ल मुक्त रखे गे हे।
शहरी इलाका म सप्ताहिक बाजार बंद होही। (Raipur) उहचे तेलीबांधा, बुढ़ातालाब के इलाका म चौपाटी अउ दूसर दुकान घलो 6 बजे तक बंद हो जाही। शराब दुकान ल घलो शाम 6 बजे तक खोले के इजाजत होही। सिनेमा हॉल अउ मल्टीप्लेक्स रात 8 बजे तक शो चला सकही।
