corona : देश म सरलघा बाढ़त हे कोरोना मरीज, 24 घंटा म सामने आय 10667 नवा मामले

जय जोहार…. भारत म कोरोना (corona) मरीज मन के संख्या ह सरलघा बाढ़त जावत हे। देश म कोरोना के कुल मामले ह तीन लाख 43 हजार ले जियादा हो गे हे। पिछले 24 घंटा म कोरोना संक्रमण के 10667 नवा मामले ह सामने आय हे। जबकि 380 लोगन मन के जान चले गे हे।
स्वास्थय विभाग के आकड़ा के मुताबिक भारत म कुल कोरोना (corona) संक्रमण के मामले ह तीन लाख 43 हजार 91 हो गे हे। कोरोना के अब तक एक लाख 53 हजार 178 सक्रिय मामले हे। जबकि एक लाख 80 हजार 13 लोगन मन ह ठीक होके अपन घर लहुट चुके हे। कोरोना (corona) संक्रमण के सती देश म 9900 लोगन मन के मौत हो गे हे।