corona संक्रमित मरीज मन ह अब पोर्टल म देख सकही अपन रिपोर्ट, पढो पूरा खबर

जय जोहार…. कोरोना (corona) संक्रमित मरीज मन ल टेस्ट कराय के बाद अपन रिपोर्ट ह एक क्लिक म मिल जाही। स्वास्थ्य विभाग के पोर्टल सीजीहेल्थ डाट एनआईसी डाट इन पोर्ट म जा के प्रदेश के कोना व्यक्ति जेन ह ए माह के 5 तारिख के बाद कोरोना टेस्ट कराय हे, ओ अपन रिपोर्ट ल देख सकत हे। एखर संग ओखर प्रिंट घलो ले सकत हे।

(corona) ए पोर्टल ल खोल के ओखर दाएं तरफ के उपर के ओर चेक योर कोविड टेस्ट रिजल्ट लिखे आही। ओमा क्लिक करे म ओ व्यक्ति के मोबाइल नंबर ल पूछे जाही, जेन ओ हा कोरोना जाचं करात समय दे हो।

मोबाइल नंबर ल डाले के बाद ओ नंबर म ओटीपी आही, जेला पोर्टल म डाले म आप मन के (corona) कोविड रिपोर्ट ह दिखही। व्यू योर रिपोर्ट म क्लिक करे पर पूरा रिपोर्ट आ जाही, जेला सेव कर के प्रिंट ले जा सकत हे।