Corona: दुर्ग आईजी के कोरोना रिपोर्ट आय हे पाजिटिव, आईजी दफ्तर के 5 कर्मचारी ह घलो संक्रमित

जय जोहार…. कोरोना (corona) ले जुड़े एक बड़का खबर सामने आवत हे। दुर्ग आईजी विवेकानंद सिन्हा ह कोरोना पाजिटिव पाय गे हे। कुछु दिन पहिले आईजी सिन्हा ह कोरोना जांच कराय रिहिन, जेखर रिपोर्ट ह पाजिटिव आय हे। ओ मन ल कोनो तरह के लक्षण नई हे, ओ हा घर म ही आइसोलेट रही।

जानकारी के मुताबिक आईजी कार्यालय म पदस्थ अर्दली, वाहन चालक समेत 5 लोगन मन ह कोरोना (corona) पाजिटिव मिले हे। सबो लोगन मन ह 21 सितंबर के कोरोना जांच करवाय रिहिन। आज आय रिपोर्ट म आईजी सिन्हा समेत 6 लोगन मन ह कोरोना संक्रमित हे।

बता दन कि दुर्ग जिला म सोमवार के 509 कोरोना (corona) के मरीज मिले रिहिस। जिला में अब तक 11000 कोरोना संक्रमित मिल चुके हे। उहचे 97 लोगन मन के मौत हो गे हे।