Corona: देश म बीते 24 घंटा म होय हे 3.49 लाख ले जादा नवा मरीज के पहचान, पढ़व

जय जोहार…. देश म कोरोना (Corona) संक्रमित मन के संख्या ह सरलघा बाढ़त जावत हे। देश म पिछिले 24 घंटा म कोरोना के 3.49 लाख ले जादा नवा मामला सामने आय हे। जबकि उपचार के दौरान 2767 संक्रमित मन के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 3 लाख 49 हजार 691 नवा मामला मिले हे। एला मिला के कोरोना संक्रमित मन के संख्या ह एक करोड़ 69 लाख 60 हजार 172 हो गे हे। जेमा ले 26 लाख 82 हजार 751 एक्टिव मामला हे।

उहचे 1 करोड़ 40 लाख 85 हजार 110 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 92 हजार 311 मरीज के जान चले गे हे।