Corona: धमतरी जिला म बीते 24 घंटा म बाढ़ गे 95 नवा मामला, 3 मरीज मन के हो गे मौत

जय जोहार…. धमतरी जिला म कोरोना (Corona) संक्रमित मन के संख्या ह कम होय के नाम नई लेवत हे। ए जिला म पिछिले 24 घंटा म कोरोना के 95 नवा मामला दर्ज करे गे हे।

उहचे 131 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 3 लोगन मन के मौत हो गे हे।

जिला स्वास्थ्य समिति धमतरी ले जारी आंकड़ा के मुताबिक सनिच्चर के जेन कोरोना (Corona) के नवा मरीज मिले हे, ओमा धमतरी शहर ले 30, नगरी ब्लाक ले 25, गुजरा ले 21, कुरुद ब्लाक ले 17 अऊ मगरलोड ब्लाक ले 2 मरीज मिले हे।

बता दन कि जिला म कोरोना संक्रमित मरीज मन के संख्या ह बाढ़ के 2176 पहुंच गे हे। जेमा ले 839 एक्टिव मामला हे। उहचे 1303 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला म अब तक 34 लोगन मन के मौत हो गे हे।