aiims के बिल्डिंग ले कूद के कोरोना संक्रमित बुजुर्ग ह दिस जान

जय जोहार…. छत्तीसगढ़ ले कोरोना ले जुड़े एक बड़का खबर सामने आवत हे। रायपुर एम्स (aiims) के तीसरी मंजिल ले कूद के बुजुर्ग कोरोना संक्रमित मरीज ह जान दे दे हे।
ए मरीज ल कोरोना पाजिटिव पाय जाय के बाद सात अगस्त ले रायपुर एम्स (aiima) म भर्ती रिहिस। मिले जानकारी के मुताबिक बुजुर्ग के उम्र ह 65 साल के हे, जेन ह रायपुर के लालपुर के रहवइया बताये जावत हे।
करीब सात दिन पहिले ओखर तबियत ह खराब हो गे रिहिस। एखर बाद ओखर कोरोना टेस्ट कराये गिस, जेखर रिपोर्ट ह सात अगस्त के आय के बाद ओला एम्स (aiims) म भर्ती कराये गिस।
मंगलवार रात के बुजुर्ग कोरोना संक्रमित ह एम्स के बिल्डिंग ले कूद के अपन जान दे दे हे। घटना के सूचना मिलत ही पुलिस ह मउका म पहुंच गिस। पुलिस ह मामला के विवेचना करत हे।